Donald Tramp Ábý Bakr ál-Baǵdadı izbasarynyń kózi joıylǵanyn málim etti

VAShINGTON. QazAqparat – AQSh Prezıdenti Donald Tramp DAISh lańkestik uıymynyń kósemi Ábý Bakr ál-Baǵdadıdiń jaqyn jaqtasynyń kózi joıylǵanyn málimdedi, dep habarlaıdy QazAqparat Amerıka prezıdentiniń Twitter-degi paraqshasyna silteme jasap

«Jańa ǵana Amerıka áskerıleri Ábý Bakr ál-Baǵdadıdiń nómir birinshi orynbasarynyń kózi joıylǵanyn rastady. Ol jaqynda kóseminiń ornyn basar edi. Endi, ol da óldi!» - dep jazdy Donald Tramp. Alaıda DAISh kóseminiń izbasarynyń aty-jóni aıtylmaǵan.

Eske sala ketsek, buǵan deıin Donald Tramp Sırııada arnaıy operatsııa barysynda DAISh lańkestik uıymynyń kósemi Ábý Bakr ál-Baǵdadıdiń kózi joıylǵanyn habarlaǵan bolatyn.