Domodedovodaǵy lańkestik áreketten jaraqat alǵan 86 adam áli aýrýhanalarda
ASTANA. 4 aqpan. QazAqparat - Domodedovo áýejaıynda lańkestik áreketten jaraqat alǵan 86 adam áli máskeýlik aýrýhanalarda jatyr, dep habarlaıdy Vestı.rý.
Máskeý meriniń orynbasary Olga Golodets jedel keńeste málim etkendeı, 69 zardap shegýshiniń hali qanaǵattanarlyq, úsheýi aýyr halde, qalǵandary ortasha aýyr halde, 28 zardap shegýshi aýrýhanadan shyǵaryldy.
Óz kezeginde, Máskeý Halyqty áleýmettik qorǵaý departamentiniń basshysy Vladımır Petrosıannyń aıtýynsha, lańkestik áreket kezinde qaza bolǵandardyń 25 týǵan-týysynyń 14-i 2 mıllıon rýbl ótemaqy aldy. «Qalǵan 11-diń úsheýi máskeýlik, al segizi shet eldik otbasylar», - dedi Petrosıan. "Kóptegen týǵan-týystar alys shet elde turatyndyqtan jáne Máskeýge kele almaıtyndyqtan, konsýldyq bólimder arqyly qarajat aýdarý jumystary júrgizilip jatyr. 25 otbasyna ótemaqyny Máskeý, al 11 otbasyna Máskeý oblysy tóleıtin bolady», - dep habarlady ITAR-TASS.
