«Domodedovo» áýejaıyndaǵy adamdar órt saldarynan qaýipsiz jerge kóshirilýde
ASTANA. QazAqparat - Máskeý qalasynyń «Domodedovo» áýejaıynyń astyńǵy qabatynda oryn alǵan órt saldarynan ǵımarat tútinge orandy.
Vedomstvo ókilderiniń aıtýynsha, áýejaı jolaýshylary qaýipsiz jerge kóshirile bastady.
Basqarma ókili Bı-bı-sı agenttigine órt aýmaǵy 16 sharshy metrdi qurap otyrǵanyn habarlady. Onyń aıtýynsha, ǵımarattyń jertólesindegi mys kabelderi órtenip jatyr.
Órttiń shyǵý sebepteri ázirge habarlanbaı otyr. Ony sóndirýge 61 adam men 17 tehnıka birligi qatysýda.
