Domodedovo áýejaıynda 40-tan astam ushaq kestelerinen keshigýde
ASTANA. 21 qyrkúıek. QazAqparat - Máskeýdiń «Domodedovo» áýejaıynda tirkeý júıesindegi aqaýlarǵa baılanysty osy ýaqytta 40-tan astam ushaq áýege kóterile almaı tur.
Buny áýejaı saıtynyń on-laın taqtasy rastap otyr.
Buǵan deıin RBK-ǵa áýejaıdyń baspasóz qyzmetinen málim etkendeı, tirkeý júıesiniń isten shyǵýy máskeý ýaqytymen shamamen 20.00-de bastaldy.
Anyqtalǵandaı, tirkeýge arnalǵan Setan júıesi isten shyqty. Oǵan qaramastan, Domodedovo jolaýshylardy tirkeýdi balamaly ádis, ıaǵnı ózderiniń Vıdeokom derbes tirkeý júıesi arqyly júrgizýdi usyndy.
Qazirgi ýaqytta áýejaıdyń atalǵan júıesine Transaero, Sibir, Tatarstan, Reseı áýekompanııalary ótýde.
Eske salaıyq, 12 qyrkúıek kúni jolaýshylardy tirkeý júıesiniń isten shyǵýy Sheremetevo áýejaıynda da boldy.
