Domkrat taıyp ketip, júrgizýshi kólik astynda qaldy

ASTANA. QazAqparat - Domkrattan taıyp ketken júk kóligi Belorýssııadaǵy Lıahovıch aýdanynyń turǵynyn basyp qaldy. Júrgizýshi oqıǵa ornynda mert boldy. 

Bul týraly  Brest oblystyq atqarý komıteti ІІD resmı ókili Sergeı Dýchenko BELTA-ǵa habarlaǵan.

Oqys jaǵdaı 4 jeltoqsan kúni Golovnıntsy eldi mekenindegi sheberhana aýlasynda bolǵan. 1960 jyly týǵan júrgizýshi bokstyń ishinde óziniń qyzmettik MAZ júk kóligin jóndep jatqan. Dóńgelek aýystyryp jatqan ol, montırovkaǵa qol sozamyn degende, denesimen domkratty ilip ketken. Júk kóligi onyń ústine qulap, júrgizýshi  abaısyzda ajal qushty. 

Qazir atalǵan oqıǵa tekserilip jatyr. Quqyq qorǵaý qyzmetkerleri óndiristik oqıǵanyń mán-jaıyn jan-jaqty saralaý ústinde.