Domınıkandaǵy oqıǵa: Kóz jumǵandar sany taǵy da kóbeıdi
ASTANA. KAZINFORM – Seısenbi kúni Domınıkan Respýblıkasynyń astanasy Santo-Domıngodaǵy shatyry opyrylyp túsken Jet Set túngi klýbyndaǵy oqys oqıǵada qaza tapqandar sany 184-ke jetti. Bul týraly jergilikti bılik habarlady, dep jazady Report.
Domınıkan Respýblıkasynyń prezıdenti Lýıs Abınader 8 sáýirden bastap qurbandardy eske alý úshin úsh kúndik ulttyq aza tutý jarııalady.
Túngi klýbtaǵy oqıǵa 8 sáýir kúni tańerteń el astanasy Santo-Domıngodaǵy Jet Set túngi klýbynda ánshi Rýbı Peres óner kórsetip jatqan kezde bolǵan. Ánshi kórermendermen birge qulaǵan shatyrdyń astynda qalǵan. Ol qutqarylǵan. Qazirgi ýaqytta onyń jaǵdaıy turaqty.
Qutqarý jumystary áli de jalǵasyp jatyr. Apattyń sebebi anyqtalyp jatyr.
Aıta keteıik, buǵan deıin Domınıkandaǵy oqıǵada kóz jumǵandar sany 100-ge jýyqtaǵanyn jazǵan edik.
