Domınıkanda jol apatyna ushyraǵan 15 reseılik hal ústinde jatyr
NUR-SULTAN. QazAqparat - Domınıkanda avtobýsta jol apatyna ushyraǵan 15 reseılik hal ústinde jatyr. Bul týraly Listin Diario gazeti jazdy, dep habarlaıdy QazAqparat.
Igýeı qalasyndaǵy aýrýhananyń dırektory Haıme Rodrıges osy aqparatty rastaǵan.
Onyń aıtýynsha, Reseıdiń 19 azamaty aýrýhanada jatyr.
Buǵang deıin Listin Diario jol apatynan 17 adam zardap shekkenin habarlaǵan edi.
Apat seısenbi kúni Igýeı qalasynyń janynda bolǵan. Reseılik týrıster mingen avtobýs áýejaıǵa barar jolda júk kóligimen soqtyǵysyp, aýdarylyp ketken. Júk kóligindegi eki adam da jaraqat alǵan.
