Domınıkanda ushaq joǵalyp ketti
ASTANA. QazAqparat - Domınıkan Respýblıkasynda 10 qyrkúıekte amerıkandyq kompanııanyń qaramaǵyndaǵy qos motorly ushaǵy joǵalyp ketti. Bul týraly Associated Press habarlady.
Azamattyq avıatsııa qyzmetiniń aqparatynsha, ushaq Santo-Domıngodan eldiń shyǵysyndaǵy Pýnto-Kana qalasyna baǵyt alǵan. Elordalyq Las-Amerıkas áýejaıynan ushqan soń dıspetcherlik qyzmet pen áýe kemesi arasyndaǵy baılanys úzilgen. Ushaq baǵyt alǵan qalasyna deıin jetpegen.
Ushaqtyń Delaver shtatyndaǵy Dover qalasyndaǵy kompanııaǵa tıesili ekeni belgili boldy. El bıligi ushaqty izdestirý jumystaryna kiristi. Ushaq bortynda qansha adam bolǵany ázirge belgisiz.
