Domınıkan basylymy Tramptyń ornyna ártis Boldýınniń sýretin basyp jibergen
ASTANA. QazAqparat - Domınıkanda jaryq kóretin El Nacional basylymy AQSh Prezıdenti Donald Tramptyń sýretiniń ornyna qatelesip ártis Alek Boldýınniń fotosyn salyp jibergen, dep jazady Bı-bı-sı.
Juma kúni Boldýınniń NBC telearnasynda shyǵatyn Saturday Night Live baǵdarlamasyndaǵy Tramptyń beınesin somdaǵan sketchten túsirilgen sýreti jarııalanyp, astyna «AQSh prezıdenti Donald Tramp» dep jazylǵan.
Osy oqıǵadan soń basylym óz «Tvıtterinde» qatelik ketkenin aıtyp, oqyrmandardan keshirim suraǵan. Alaıda bul sátte oqıǵa kópshilikke keń tarap, jurt áleýmettik jelide jarysa talqylap jatqan edi.
Saturday Night Live tanymal amerıkalyq teleshoýlardyń biri, 1975 jyldan beri efırge shyǵyp keledi.
