Domınık Pelıkogo taǵy eki áıeldi óltirdi jáne zorlady degen aıyp taǵyldy

ASTANA. KAZINFORM – Domınık Pelıko ótken jyldyń jeltoqsan aıynda burynǵy áıeli Jızel Pelıkony zorlaǵany úshin 20 jylǵa bas bostandyǵynan aıyryldy, dep habarlaıdy Euronews. 

Er adamnan beısenbi, 30 qańtarda «ashylmaǵan ister» bóliminiń sýdıasy jaýap aldy. Jaýap alý 1999 jyly zorlaý áreketine jáne 1991 jyly Parıjde 23 jastaǵy jyljymaıtyn múlik agentin óltirýge qatysty boldy.

Bul qylmystar Jızel Pelıkony jappaı seksýaldyq zorlaý isi bastalǵanǵa deıin on jyl buryn jasalǵan. Domınık kisi óltirý isine qatysyn moıyndaǵan joq.

Qylmystyq isterdiń biriniń aıasynda Pelıko áıeldi kezdestirip, ony sheshindirip almaq bolǵanyn aıtty, biraq ony zorlamaq bolǵanyn joqqa shyǵardy. Polıtsııa qylmys bolǵan jerden onyń DNQ izderi tabylǵanyn málimdedi.

72 jastaǵy er adam jeltoqsan aıynda burynǵy áıeline esirtki berý arqyly birneshe ret zorlaǵany úshin kináli dep tanylyp, 20 jylǵa bas bostandyǵynan aıyrý jazasyna kesilgen.

Jynystyq zorlyq-zombylyq qurbany Jızel Pelıko ashyq sot talqylaýyn talap etkenine ókinbeıdi. Frantsııada jyldar boıy zorlyq-zombylyq qurbany bolǵan áıeldi qoldaý aktsııalary ótti.