Dombyra úni men qymyzdyń dámi máńgi esimde qalady - Reseı jazýshysy
«Osydan jarty ǵasyr buryn Qazaqstanda, kópultty eńbekshilerdiń shaǵyn ǵana Qarataý qalasynda dúnıege keldim. Ákem Reseı orysy, al anam Semeı qalasynyń tatary. Jarty ómirimdi Qazaqstan, jartysyn Reseıde ótkizdim. Júregim de bizdiń osy eki elimizdiń arasynda bólinip tur. Álemniń kóptegen elderin saparlap, úlken jáne kishi, baı jáne kedeı elderdi kórdim. Biraq, qazaqtyń keń dalasy, qar basqan taý shyńdary, dombyra úni men qymyzdyń dámi esh ýaqytta esimnen ketpeıdi. Munyń barlyǵy da meniń jadymda ári máńgi qaldy», - dedi ol.
Sonymen qatar reseılik qalamger óziniń barlyq kitaptarynda Qazaqstan jáne onyń halqy, dástúrleri men mádenıeti jaıynda derekter bolatyndyǵyn basa aıtty.
«Nursultan Ábishuly, birde Siz: «halyqtyń birligin saqtap, nyǵaıtý - eń joǵary izgilik», degen edińiz. Qazaqstannyń kópultty halqy jınalǵan osy zalda turyp men Qazaqstan halqynyń osynaý izgilikke adal ekendigine taǵy kóz jetkizdim. Assambleıaǵa qonaq retinde kelsem de ózimdi jat sezinip turǵanym joq. Óıtkeni, Qazaqstan meniń kishi ári súıikti Otanym, týǵan jerim. Men sizderdiń tabystaryńyzǵa maqtanyp, jetistikterińizge qýanamyn», - dedi Sergeı Lýkıanenko.
