Dombyra men qobyzdyń áýezdi áýeni eýropalyqtardy taǵy bir tamsandyrdy (VIDEO)
Motsarttyń áýenderin qobyz ben dombyrada oryndaǵan ónerpazdar avstrııalyqtardy tań-tamasha qyldy. Motsart, Shtraýs men Shýbert sekildi uly kompozıtorlardyń eline kelip, óner kórsetýdiń salmaǵy eki ese zor. Óıtkeni klassıkalyq mýzykany tyńdap úırengen bul kórermendi tań qaldyrý ońaı sharýa emes. Alaıda qazaqstandyq ártister abyroıdy qoldan bermedi. Alǵashqy mınýttan-aq zaldy baýrap aldy. Eýropalyqtar úshin bul mýzykalyq aspaptardyń barlyǵy beıtanys. Kúmbirlegen dombyra nemese úni skrıpkaǵa uqsaıtyn qasıetti qobyz - avstrııalyqtar úshin ekzotıka. Ulttyq óner ýnıversıtetiniń repertýary qazaq mýzykasynyń marjandarynan qurylǵan.
«Halyq orkestri halyqtyń mýzykasyn oınaıdy. Alaıda kontsert sońynda biz uly klassıkterdiń bir-eki úzdik shyǵarmasyn qosyp, halyqtyq orkestrdiń múmkindikteri sheksiz ekenin baıqatýǵa tyrysamyz. Mundaı Motsartty avstrııalyqtar buryn-sońdy estimegen bolar. Áýenniń alǵashqy notasynan-aq zal dý ete qaldy. Kórermen qoshemetiniń arqasynda bizdiń ónerpazdar «Túrik marshyn», ıtalıandyq operany, tipti nemis tilindegi shyǵarmany sátti oryndap shyqty. Qalyń qaýymnyń áseri júzderinen-aq baıqalyp turdy»,-deıdi QR Halyq ártisi Aıman Musaqojaeva
Qazaqstandyq ártisterdiń ónerine keshe Slovenııa qol soqsa, búgin Avstrııa, al erteń Serbııa qarsy alady. Aıman Musahodjaeva jas ónerpazdarmen birge Eýropaǵa týrne uıymdastyrmaq. Bul kontsertter Naýryz merekesine jáne Táýelsizdiktiń 25 jyldyǵyna arnalyp otyr. Talantty mýzykanttardy alda Túrkııa men Italııa sahnasy kútedi.