Dombyra kúni: Kúı tartýdan beıne baıqaý jarııalandy

NUR-SULTAN. QazAqparat – Elimizde «Ulttyq dombyra kúni» merekesine oraı kúı tartýdan beıne baıqaý jarııalandy, dep habarlaıdy QazAqparat.

Atalǵan saıysty Otandastar qory uıymdastyryp otyr jáne onyń sharttary qordyń Facebook paraqshasynda jarııalandy.

Sonymen, kúı tartýdan baǵyn synaıtyndarǵa qoıylatyn talaptar mynadaı:

Beıneni gorızontal túsirý kerek, úmitker qazaqtyń ulttyq kıimi nemese ashyq tústi kıimmen bolýy tıis, qatysýshy qysqasha óziniń qaı jerden ekenin, oǵan qosa aty jónin aıtyp ótýi qajet.

Synǵa túsýshi oryndaıtyn kúıdi (bńreýien ǵana) ózi tańdaıdy jáne ony tartýǵa 30-60 sekýnd (1 mınýttan aspaýy tıis) qana ýaqyt beriledi. Beıne baıqaý jumystaryn qabyldaý 2021 jylǵy 27 maýsymda aıaqtalady.

Qatysýshy aty-jóni men qaı jerden ekenin jazýdy umytpaǵan jón. Baıqaý materıaldaryn [e-mail] elektrondy poshtasyna jiberý kerek.

Eske salsaq, jyl saıyn shildeniń alǵashqy jeksenbisine dóp keletin, ulttyq aspabymyzdy ulyqtaýǵa arnalǵan bul mereke QR Tuńǵysh Prezıdenti - Elbasy Nursultan Nazarbaevtyń jarlyǵymen 2018 jyldan beri elimizde keńinen atalyp ótedi.