00:22, 07 Shilde 2025 | GMT +5
Dombyra kúni: «Kóktóbe» telemunarasy merekelik jaryqpen kómkerildi
ALMATY. KAZINFORM – Almatyda dombyra kúni erekshe atap ótildi.
Almatynyń eń kórnekti oryndarynyń biri - «Kóktóbe» telemunarasy Ulttyq dombyra kúnine oraı erekshe jaryqpen aıshyqtalyp, merekelik keıipke endi.
Munaranyń qasbetine dombyranyń beınesi, áýendi notalar, ulttyq órnekter men «Ulttyq dombyra kúni qutty bolsyn!» degen quttyqtaý jazý paıda boldy.
Ataýly kúnge oraı Respýblıka saraıynyń aldyndaǵy Abaı alańynda dástúrli jáne estrada janryndaǵy tanymal óner ıeleriniń qatysýymen merekelik kontsert ótti. Qala turǵyndary men qonaqtaryn Almaty ákimi Darhan Satybaldy quttyqtap, bul kúnniń ulttyq rýh pen mádenı bolmysty bekemdeýdegi aıryqsha mańyzyn atady.
Eske salaıyq, buǵan deıin de telemunarada merekelik bezendirýler uıymdastyrylǵan edi.
