Dombyra Beıjiń júreginde: Dımash Qudaıbergen Qytaı ánshisimen birge Jer hramyna bardy

ASTANA. KAZINFORM – 29-30 jeltoqsan kúnderi Qytaıdyń BRTV telearnasynyń «最美中轴线 Singing for the Central Axis of Beijing» jobasy aıasynda Dımash Qudaıbergen Beıjińdegi Jer hramyna baryp qaıtty, dep habarlaıdy Kazinform Dimashnews.com saıtyna silteme jasap.

Beıjińniń ortalyq osi – qalanyń tarıhı ortalyǵynan ótetin mańyzdy bóligi sanalady. Onyń uzyndyǵy 7,8 shaqyrymǵa sozylyp, Qońyraý jáne Baraban munaralarynan bastap ıÝndınmen qaqpasyna deıin jalǵasady. Bul baǵyt 1267 jyly ıÝan áýleti kezinde qalyptasqan jáne Jer hramy men Aspan hramy syndy mańyzdy nysandardy qamtıdy. Atalǵan hramdar úsh uly bastaýshy kúsh – jer, aspan jáne adamdy bildiredi.

Bastapqyda Jer hramy men Aspan hramy bir keshenniń bóligi bolǵan edi, 1530 jyly olar bólindi. Jer hramy Tyıym salynǵan qalanyń soltústiginde ornalasqan jáne onyń aýmaǵynda Rýhtar mekeni men Qasıetti qoıma sııaqty basqa da nysandar bar. Saıabaqtyń soltústik-shyǵys bóliginde Qytaıdyń dástúrli medıtsına saıabaǵy ornalasqan.

«Bizdiń ánderimiz» jobasyna qatysqan Dımash pen qytaı ánshisi Gýn Lınna Jer hramynda kórikti oryndarmen tanysyp, jergilikti taǵamdardan dám tatty jáne syılyqtarmen almasty. Dımash dombyranyń tarıhyn baıandap, ony Gýn Lınnaǵa syıǵa tartty.

— Buryn dombyranyń ishegi áldeqaıda kóp bolatyn. Tarıhqa kóz júgirtsek, baıaǵyda bir hannyń jalǵyz uly qaza bolypty. Ulynyń ólimi týraly qaıǵyly habardy jetkizýge quzyryndaǵy eshkimniń batyly jetpepti. Saıyp kelgende, ulynyń ólimin dombyra arqyly estirtipti. Barlyǵynyń hanǵa ulynyń ólimin estirtýge qoryqqan sebebi, han: «Balamdy kópten beri taba almaı júrmin. Kimde-kim maǵan qaıǵyly habardy jetkizer bolsa, sonyń kómeıine qorǵasyn quıamyn», — degen eken. Osylaısha dombyra adam ómirin saqtap qalypty, – dedi Dımash.

Dástúrli túrde Dımash dombyrada oınap, Gýn Lınna «Jasmin» ánin shyrqady. Sondaı-aq, júrgizýshilerdiń suraýymen Dımash óz ana tilinde «Qaratorǵaı» ánin oryndady.

Іs-shara sońynda olar 1688 jyly salynǵan Chjenı hramynyń teatryna bardy. Bul teatr búgingi kúnge deıin Beıjiń operasyn qoıady jáne mádenı mura bolyp sanalady.

Buǵan deıin Dımashtyń qatysýymen Qytaıdyń ońtústik-batysyndaǵy Sychýan provıntsııasynyń astanasy Chendý qalasynda jańajyldyq mereke ótkeni habarlanǵan bolatyn.

Osyǵan deıin Dımash Qudaıbergen Qazaq elin Jańa jyl merekesimen quttyqtady.