«Domalaq» aryzdar boıynsha tekserister júrgizý múldem toqtatyldy - Qarjy polıtsııasy
ASTANA. QazAqparat - Qazirgi tańda Qarjy polıtsııasyna túsip jatqan aryzdardyń 71% 10 kúnge deıingi merzimde qarastyrylady. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan Respýblıkasynyń Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń birinshi orynbasary Andreı Lýkın málim etti.
Onyń aıtýynsha, Qarjy polıtsııasy tekseristerdi qozǵalǵan qylmystyq ister sheńberinde ǵana qarjy polıtsııasy qyzmetkerleriniń qatysýynsyz Salyq komıtetiniń, qarjylyq baqylaý jáne basqa organdardyń mamandarymen ótkizýge tapsyra alady. Olardyń túıindemesi negizinde jazyqtylardyń qylmystyq jaýapkershilikke tartylýy týraly sheshim qabyldanady.
«Biz qarjy polıtsııasynyń kásipkerler arasyndaǵy azamattyq-quqyqtyq daýlarǵa aralasý tájirıbesin toqtattyq. «Domalaq» aryzdar boıynsha tekserister júrgizý múldem toqtatyldy. Qarjy polıtsııasy organdary aramza sheneýnikter men ekonomıkanyń «kóleńkeli» sektory arasyndaǵy sybaılas jemqorlyq baılanystaryn áshkereleýge baǵyttalǵan», - dep atap ótti A.Lýkın.
Onyń aıtýynsha, «Memlekettik baqylaý men qadaǵalaý» Zańyna sáıkes qarjy polıtsııasyna bıznes pen memlekettik organdar sýbektileriniń qarjy-sharýashylyq qyzmetin jeke tekserý ókilettiligi berilmegen.
