Dollarsyzdandyrý halyq esebinen júzege asyrylmaýy tıis - D. Aqyshev
ASTANA. QazAqparat - Dollarsyzdandyrý halyq esebinen júzege asyrylmaýy tıis. Bul týraly búgin Aqordada Elbasy Nursultan Nazarbaevtyń tóraǵalyǵymen ótip jatqan QR Úkimetiniń keńeıtilgen otyrysynda Ulttyq bank tóraǵasy Danııar Aqyshev málim etti.
«Menińshe, bizder Ulttyq bankke senimdi qalpyna keltirýden bastaýymyz qajet. Bul baǵyttaǵy eń birinshisi -aqparattyq saıasat. Bul bizdiń qoǵamǵa ashyqtyǵymyz. Bul bizdiń baǵamǵa, ınflıatsııaǵa yqpal etetin barlyq faktorlardy jáne bizdiń is-qımylymyzdy túsindirýge daıyndyǵymyz. Biz jumysymyzdy Parlamentte, Úkimette, BAQ-ta barynsha kórsetýdi josparlaýdamyz», - dedi ol.
Sonymen qatar ol óziniń, orynbasarlary men bólimshe basshylarynyń BAQ-pen turaqty baılanysyp, qoǵamǵa oryn alyp jatqan jaıttardy túsindirip otyratyndyǵyn atap ótti.
«Dollarsyzdandyrý halyq esebinen júzege asyrylmaýy tıis. Biz halyq aqshalaryn teńgemen saqtaýy úshin eń aldymen durys ekonomıkalyq yntalandyrý tetikterin qurýmyz qajet», - dedi D.Aqyshev.
Óz kezeginde QR Prezıdenti Ulttyq banktiń halyqqa qarjy áleminde oryn alyp jatqan jaıttardy túsinikti tilmen jetkizetin basty ári jalǵyz organ ekenin basa aıtty.
«Sońǵy ýaqytta bul oryn alǵan joq, álemde oryn alyp jatqan oqıǵalar túsindirilmedi. Túsinik adamdar úshin óte mańyzdy. Eldegi barlyq ister barysynda áleýmettik mindettemelerdi der ýaqytynda oryndaý barysha mańyzdy. Men bankke, teńgege senimniń qalpyna kelerine úmit artamyn», - dedi N.Nazarbaev.
