Dollarlaný deńgeıi 2020 jyldyń sońynda tómendedi - Ulttyq bank
QR Ulttyq bankiniń habarlaýynsha, rezıdentterdiń depozıttik uıymdardaǵy depozıtteriniń kólemi bir aıda 0,7%-ǵa ulǵaıyp, 2020 jyly jeltoqsannyń sońynda 22 089,7 mlrd teńge boldy. Zańdy tulǵalardyń depozıtteri bir aıda 11 297,7 mlrd teńgege deıin, ıaǵnı 2,0%-ǵa tómendedi, jeke tulǵalardyń depozıtteri 10 792,1 mlrd teńgege deıin 3,6%-ǵa ósti.
Bir aıda ulttyq valıýtadaǵy depozıtter kólemi 13 855,7 mlrd teńgege deıin 4,0%-ǵa ulǵaıdy. Al shetel valıýtasyndaǵy depozıtter kólemi 8 234,0 mlrd teńgege deıin 4,5%-ǵa tómendedi. Dollarlandyrý deńgeıi 2020 jylǵy jeltoqsannyń sońynda 37,3% (2019 jylǵy jeltoqsanda – 43,1%) boldy.
Zańdy tulǵalardyń ulttyq valıýtadaǵy depozıtteri 2020 jylǵy jeltoqsanda 7 205,0 mlrd teńgege deıin 1,3%-ǵa ulǵaıdy, shetel valıýtasyndaǵy depozıtteri 4 092,7 mlrd teńgege deıin 7,2%-ǵa azaıdy (zańdy tulǵalar depozıtterinen 36,2%).
Jeke tulǵalardyń teńgedegi depozıtteri 6 650,7 mlrd teńgege deıin 7,1%-ǵa ulǵaıdy, shetel valıýtasyndaǵy depozıtteri 4 141,4 mlrd teńgege deıin 1,5%-ǵa qysqardy (jeke tulǵalar depozıtterinen 38,4%).
Merzimdi depozıtterdiń kólemi bir aıda 3,7%-ǵa ulǵaıyp, 15 279,6 mlrd teńge boldy. Olardyń qurylymynda ulttyq valıýtadaǵy salymdar 9 496,8 mlrd teńgeni, shetel valıýtasyndaǵy salymdar – 5 782,9 mlrd teńgeni qurady.
Banktik emes zańdy tulǵalardyń ulttyq valıýtadaǵy merzimdi depozıtteri boıynsha ortasha alynǵan syıaqy mólsherlemesi 7,3% (2019 jylǵy jeltoqsanda – 7,4%), jeke tulǵalardyń depozıtteri boıynsha – 9,2% (9,0%) boldy.