Dollarǵa shaqqandaǵy ıýan baǵamy 6,5-ke deıin tómendedi
ASTANA. QazAqparat - Qytaı halyq banki (Ortalyq bank) ulttyq valıýtasy jenmınbıdiń (ıýanniń resmı ataýy) dollarǵa shaqqandaǵy baǵamyn 96 bazıstik tarmaqqa 6,5032 deıin túsirdi. Bul 2011 jyldyń mamyrynan bergi eń tómengi kórsetkish, dep habarlady TASS.
ıÝan baǵamy ótken jyldyń tamyzynan tómendeı bastady. Ol kezde Ortalyq bank «esepteý ádisin ońtaılandyrý» sheshimi týraly jarııalady. Sol ýaqytta QHR valıýtasy úsh kún ishinde 4,6% qunsyzdanyp, 1 dollar 6,4 ıýanǵa teń boldy. Osydan keıin ıýan kúsheıdi jáne 2 qarashada úsh jyldyq joǵary mejege jetti: $1 quny 6,3154 ıýan boldy. Alaıda osydan keıin baǵam taǵy álsireı bastady. 2015 jyldyń jeltoqsanynda qytaılyq valıýta 10 kúndeı qunsyzdandy.
Ótken jyly 30 qarashada Halyqaralyq valıýta qory ıýandy 2016 jyldyń 1 qazanynan óziniń rezervtik valıýta qorjynyna engizdi. Bul qorjynda dollar, eýro, fýnt sterlıng pen japonııalyq ıen bar. Sarapshylardyń paıymynsha, ıýannyń álsireýine osy sheshim de áserin tıgizdi. Óıtkeni rezervtik valıýtalar qorjynyna engen soń ıýanǵa degen suranys artady.
