Dollarǵa shaqqandaǵy teńge baǵamy tamyzda 2,7% álsiredi
ASTANA. QazAqparat - Qazaqstanda ulttyq valıýtanyń AQSh dollaryna shaqqandaǵy baǵamy 2017 jyldyń tamyzynda 2,7%-ǵa, jyl basynan beri 1,1%-ǵa tómendep, aıdyń sońyna qaraı 1 AQSh dollarynyń quny 337,04 teńgeni quraǵan, dep habarlaıdy «QazAqparat» HAA QR Ulttyq bankiniń baspasóz qyzmetine silteme jasap.
Ústimizdegi jyldyń tamyzynda teńgeniń aıyrbas baǵamy 1 dollarǵa 330,07-337,04 teńge dıapazonynda ózgerip otyrǵan. Ótken aıdaǵy teńge/dollar aıyrbastaý operatsııalarynyń kólemi 25%-ǵa artyp, 14,9 mlrd dollardy quraǵan. Sonyń ishinde Qazaqstan qor bırjasyndaǵy saýda-sattyq kólemi bir aıda 25,9%-ǵa artyp, 3,9 mlrd dollarǵa jetken, al bırjadan tys valıýta naryǵyndaǵy operatsııalardyń kólemi 24,7%-ǵa artyp, 11 mlrd dollarǵa jetken.
