Dollardyń ósýine oraı lızıngtik nesıeler qaıta qurylymdalady - «QazAgro» holdıngi

ASTANA. QazAqparat - Dollardyń ósýine oraı aýyl sharýashylyq nysandaryna berilgen lızıngtik nesıeler qaıta qurylymdalady. Bul týraly búgin Ortalyq kommýnıkatsııalar qyzmetinde holdıngtiń basqarma tóraǵasy Dýlat Aıtjanov málim etti.

«QazAgro» holdıngi óziniń klıentterine teńge baǵamynyń dollarǵa shaqqandaǵy ózgerisinen týyndaǵan máselelerdi jumsartý úshin barlyq sharalardy jasaıdy. Nesıelerdiń basym bóligi ındeksatsııalanbaıtyn bolady, sebebi agroónerkásiptik keshen sýbektileri negizinen nesıeni teńgemen aldy. Nesıelendirýdiń sharttary sol qalpynda qalady. Buryn jasalǵan nesıe sharttary ózgertilmeıdi.

Degenmen teńge baǵamynyń ózgerisinen týyndaǵan aıyrmashylyqty «QazAgro» holdıngi óziniń ishki qorynyń esebinen óteıdi. Holdıngtiń nesıe portfeliniń tek 8 paıyzy ǵana dollarǵa baılanǵan», - dedi ol.

«QazAgro Qarjy» kompanııasyna keletin bolsaq, olardyń lızıngtik nesıeleri dollarmen baılanystyrylǵan. Aýyl sharýashylyq tehnıkalaryn satyp alýǵa bólingen nesıeler máselesin «Agrobıznes-2020» agroónerkásiptik keshen nysandaryn saýyqtyrý baǵdarlamasy aıasynda qaıta qurylymdaımyz», - dedi ol.