Dollardyń búgingi baǵamy qandaı

ALMATY. QazAqparat – Astana men Almaty qalalaryndaǵy aqsha aıyrbastaý pýnkterinde dollar 446 – 450 teńgeden saýdalanyp jatyr, dep habarlaıdy QazAqparat tilshisi.

Kurs.kz deregi boıynsha, Astanadaǵy valıýta aıyrbastaý oryndarynda 1 dollar 446– 449,7 teńgeden satylýda. Al Almatyda dollar 447,5 – 450 teńge aralyǵynda qubylyp tur.

11 tamyz kúni keshke ótken saýda-sattyqta dollardyń ortasha quny 0,96 tıynǵa qymbattap, 446,00 teńgeni qurady.

Ulttyq banktiń 14 tamyzǵa belgilegen resmı baǵamdary: 1 dollar – 445,81 teńge, Reseı rýbli – 4,53 teńge.

Almatydaǵy aqsha aıyrbastaý oryndarynda rýbl 4,45 – 4,65 teńge aralyǵynda saýdalanyp jatyr. Astanada kórshi el valıýtasy 4,47 - 4,57 teńgeden usynylýda.