Dollardyń bırjalyq baǵasy 80 rýblden asty
ASTANA. QazAqparat - Máskeý bırjasynda rýbldiń túsýi jedeldeı tústi. Dollar baǵamy jyl ishinde alǵash ret 80,017 rýblǵa jetip, 80 rýblge artty. Bul ótken saýda-sattyqty japqan deńgeıden 1,456 rýblge joǵary, dep habarlady RBK.
Budan buryn 80 rýblden joǵary dollar baǵamy 1998 jylǵy denomnıatsııalaý ýaqytynan beri 80,1 rýbl kórsetkishi tirkelgen 2014 jylǵy 16 jeltoqsanda kóterilgen.
Rýbldiń qunsyzdanýy munaıǵa álemdik baǵanyń túsýinen oryn alýda. ICE bırjasynda búgingi saýda-sattyq barysynda 2016 jylǵy naýryzdaǵy jetkizýmen Brent markaly munaıǵa fıýchers quny 27,29 dollarǵa deıin tústi.
Ótkende Halyqaralyq energetıkalyq agenttik sarapshylary jumsaq qys saldarynan 2016 jyly munaıǵa suranys kútilgennen tómen deńgeıde artatyny habarlanǵan, sonymen birge onyń óndirilýi arta beredi. Bul munaı naryǵyndaǵy suranys pen usynys deńgeıin teńgerimdeýge múmkindik bermeıdi.
12:15-te (msk) ICE bırjasynda Brent naýryzdyq fıýcherster quny barreline $27,84 qurady, al Máskeýlik bırjada dollar quny - 79,97 rýbl, eýro baǵamy - 87,55 rýb.
2016 jylǵy 20 qańtardan bastap dollardyń resmı baǵamy RF OB 78,4862 rýb. deńgeıinde, eýronyń resmı baǵamy - 85,2988 rýbl dep belgilendi.
«Bıgmak ındeksine» sáıkes reseı rýbl baǵamy shamamen 70%-ǵa tómendedi. The Economist sarapshylarynyń esebinshe, dollar úshin qazir tek 23,12 rýbl berýi tıis.
