Dollardyń baǵasy 340 teńgege kóterildi

ASTANA. QazAqparat - Teńgeniń 1 AQSh dollaryna qatysty ortasha baǵamy Qazaqstan qor bırjasyndaǵy (KASE) dúısenbi kúngi saýdalardyń tańǵy sessııasynda 340,01 teńge bolǵan, dep habarlaıdy «QazAqparat» HAA KASE-ge silteme jasap.

Juma kúngi saýdalarǵa qaraǵanda dollar baǵamy 2,15 teńgege kóterilgen. Sessııa barysynda eń tómengi baǵam 1 dollarǵa 339,5 teńge deńgeıinde bolsa, eń joǵary kýrs 340,2 teńgeni kórsetken. Saýdalardyń kólemi 49,25 dollardy quraǵan, mámilelerdiń mólsheri - 115.

Juma kúni dollardyń kýrsy tańǵy sessııa qorytyndylary boıynsha 1 dollarǵa 337,86 teńge, kúndizgi sessııada 339,22 teńge, eki sessııanyń qorytyndylary boıynsha 338,9 teńge bolǵan.