Dollardyń búgingi baǵamy belgili boldy

ALMATY. KAZINFORM — Astana men Almaty qalalaryndaǵy aqsha aıyrbastaý pýnktterinde dollar 500 — 506 teńgeden saýdalanyp jatyr.

Ulttyq banktiń 15 naýryzǵa usynǵan resmı baǵamy — bir dollarǵa 505,15 teńge. Reseı rýbliniń ortasha saralanǵan quny — 5,89 teńge. Eýro — 550,31.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 503 teńgeden satylyp jatyr, satyp alý baǵamy — 500 teńge. Eýro 542 — 548 teńge aralyǵynda qubylyp tur.

Al, Astana qalasy boıynsha dollardy satý baǵamy — 506 teńge, satyp alý quny — 500 teńge. Eýro 547 teńgeden satylyp, 540 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,70 — 5,85 aralyǵynda saýdalanyp jatyr.

Aıta keteıik, 14 naýryz keshki saýda qorytyndysy boıynsha dollardyń ortasha baǵamy 9,13 teńgege qymbattap, 504,72 teńge bolǵan.

Osyǵan deıin Ulttyq bank valıýta aıyrbastaýdyń jańa erejesin bekitetinin málimdegen bolatyn. 

Budan bólek, Ulttyq banktiń bazalyq mólsherlemeni kótergeni týraly jazǵan edik. 

Qazaqstandyq ekonomıster teńgeniń nyǵaıýyna múmkindik bar ekenin aıtty.