Dollar saýda-sattyqta sál arzandady
ASTANA. KAZINFORM — Qazaqstan qor bırjasynda (KASE) shetel valıýtalary naryǵyndaǵy saýda qorytyndylandy.
Kúndizgi saýda boıynsha dollardyń ortasha baǵamy 471,04 teńge boldy. Bul aldyńǵy kórsetkishpen salystyrǵanda 1,13 teńge tómen.
Qazaqstan Ulttyq bankiniń 7 shildege belgilegen resmı baǵamy — 472,03 teńge.
Kurs.kz derekterine sáıkes, Astanadaǵy aıyrbastaý oryndarynda dollardy orta eseppen 468,19 teńgeden satyp alyp, 475,19 teńgeden satyp jatyr. Eýronyń satyp alý baǵasy — 536,03 teńge, satý baǵasy — 546,03 teńge, al rýbldiń satyp alý baǵasy — 5,70 teńge, satý baǵasy — 6 teńge.
Almatyda AQSh valıýtasy orta eseppen 470,62 teńgeden satyp alynyp, 473,08 teńgeden satylýda. Eýro baǵamy 537,50–542,92 teńge aralyǵynda, al rýbl 5,88–6,01 teńge shamasynda saýdalanyp jatyr.
Shymkenttegi aıyrbastaý oryndarynda dollardy satyp alý baǵasy — orta eseppen 471,83 teńge, satý baǵasy — 473,88 teńge. Eýro 537,67-543,94 teńge aralyǵynda, al rýbl 5,84-5,93 teńge shamasynda.
Eske salaıyq, 3 shildedegi kúndizgi saýda qorytyndysy boıynsha dollardyń ortasha baǵamy 472,03 teńge bolǵan edi. Ol kezde kórsetkish 2,39 teńge tómendegen.
