Dollar men rýbldiń búgingi baǵamy qandaı

ASTANA. KAZINFORM – Astana men Almaty qalalaryndaǵy aqsha aıyrbastaý pýnktterinde dollar 447,53 – 449 teńgeden saýdalanyp jatyr.

Ulttyq banktiń 1 sáýirdegi resmı baǵamy – 1 dollarǵa 446,77 teńge.

Reseı rýbliniń ortasha saralanǵan baǵamy 4,75 teńge boldy.

Kurs.kz málimeti boıynsha, Astanadaǵy valıýta aıyrbastaý oryndarynda 1 dollar 445 – 450 teńgeden satylyp jatyr.

Al, Almatyda dollar 447,5 – 449 teńge aralyǵynda qubylyp tur.

Dál qazirgi ýaqytta aqsha aıyrbastaý oryndarynda Reseı valıýtasy 4,75 – 4,9 aralyǵynda saýdalanyp jatyr.

Eske salaıyq, naýryz aıynyń qorytyndysy boıynsha, teńge baǵamy 0,9%-ǵa nyǵaıyp, 1 AQSh dollary 446,77 teńgege deıin qalyptasty. Qazaqstan qor bırjasynda saýda-sattyqtyń ortasha kúndik kólemi bir aıda 187 mln AQSh dollarynan 225 mln AQSh dollaryna deıin ulǵaıdy. Saýda-sattyqtyń jalpy kólemi 3,8 mlrd AQSh dollaryn qurady.

Buǵan deıin sáýirde Ulttyq bank Ulttyq qordan 1,1 mlrd AQSh dollaryna deıingi mólsherde valıýta satýdy kózdeıtinin jazǵan edik.