Dollar kúrt álsireýi múmkin be – Ulttyq bank basshysynyń jaýaby
ASTANA. KAZINFORM — Jyl sońyna deıin dollar baǵamynyń kúrt álsireýine nemese ósýine negiz joq. Bul týraly Ulttyq bank tóraǵasy Tımýr Súleımenov aıtty.
Búgin Ulttyq bankte ótken baspasóz máslıhatynda tilshiler teńgege shaqqanda AQSh dollary baǵamynyń kúrt ósýi múmkindigi týraly surady.
- Kúrt qymbattap ketpeıdi. Іshki jáne syrtqy faktorlar bizge oń áser etip otyr. Jyl sońyna deıin dollar baǵamynyń kúrt álsireýine nemese ósýine negiz joq, - dedi Tımýr Súleımenov.
Aıta keteıik, búgin Qazaqstan qor bırjasyndaǵy (KASE) saýda-sattyq qorytyndysy boıynsha dollar baǵamy qymbattady.
