Dollar kúndizgi saýda qorytyndysynda kúrt arzandady
ASTANA. KAZINFORM — Qazaqstan qor bırjasynda (KASE) shetel valıýtalary naryǵyndaǵy saýda-sattyq aıaqtaldy.
14 shildedegi kúndizgi saýda qorytyndysy boıynsha AQSh dollarynyń ortasha baǵamy 468,88 teńge bolyp, 7,45 teńge tómendedi. Qazaqstan Ulttyq bankiniń 14 shildege belgilegen resmı baǵamy 477,11 teńge deńgeıinde.
Kurs.kz málimetine qaraǵanda, Astanadaǵy aıyrbastaý pýnktterinde dollar 468,03 teńgeden satyp alynyp, 475,03 teńgeden satylyp jatyr. Eýronyń satyp alý baǵamy — 533,03 teńge, satý baǵamy — 543,03 teńge, rýbl 5,65–5,95 teńge aralyǵynda.
Almatyda dollar orta eseppen 468,92 teńgeden satyp alynyp, 471,99 teńgeden satylyp jatyr. Eýro baǵamy 534,46–540,42 teńge, al rýbl 5,74–5,82 teńge aralyǵynda.
Shymkenttegi aıyrbastaý pýnktterinde dollar 469,34 teńgeden satyp alynyp, 471 teńgeden satylyp jatyr. Eýrony 533,32–539,43 teńge aralyǵynda satyp alýǵa nemese satýǵa bolady. Rýbl baǵamy 5,76–5,84 teńge shamasynda.
Eske salaıyq, 13 shildedegi kúndizgi saýda qorytyndysy boıynsha dollardyń ortasha saralanǵan baǵamy 477,11 teńge bolyp, 8,94 teńge qymbattaǵan edi.
