Dollar, eýro men rýbldiń búgingi baǵamy qandaı

ALMATY. KAZINFORM — Astana men Almaty qalalaryndaǵy aqsha aıyrbastaý pýnktterinde dollar 522 — 529 teńgeden saýdalanyp jatyr.

Ulttyq banktiń 20 jeltoqsanǵa usynǵan resmı baǵamy — 1 dollarǵa 524,02 teńge. Reseı rýbliniń ortasha saralanǵan quny — 5,09 teńge. Eýro — 545,19.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 525,5 teńgeden satylyp jatyr, satyp alý baǵamy — 527 teńge. Eýro 545,5 — 550,3 teńge aralyǵynda qubylyp tur.

Al, Astana qalasy boıynsha dollardy satý baǵamy — 522 teńge, satyp alý quny — 529 teńge. Eýro 542 teńgeden satylyp, 552 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,03 — 5,15 aralyǵynda saýdalanyp jatyr.

Aıta keteıik, 19 jeltoqsan keshki saýda qorytyndysy boıynsha, dollardyń ortasha baǵamy 1,42 teńgege qymbattap, 524,00 teńge bolǵan.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty. 

Sondaı-aq, Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin atap ótti. 

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr. 

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.