Dollar baǵasy arzandap keledi
ALMATY. QazAqparat – Qazaqstan qor bırjasynda (KASE) saýda-sattyq qorytyndysy boıynsha dollar teńgege shaqqanda arzandady, dep habarlaıdy QazAqparat.
Qazaqstan qor bırjasynda tańerteńgi saýda-sattyq qorytyndylary boıynsha dollar 8 aqpan keshimen salystyrǵanda 1,26 teńgege – bir dollar úshin 417,54 teńgege deıin arzandady. Qazaqstan Respýblıkasy Ulttyq Bankiniń 9 aqpandaǵy resmı baǵamy bir dollar úshin 418,82 teńgeni quraıdy.
Aıta ketý kerek, teńge bırjadaǵy saýda-sattyq qorytyndysy boıynsha nyǵaıýda. Kurs.kz saıtynyń derekteri boıynsha, Almatyda dollar aıyrbastaý oryndarynda 417,26 teńgeden satyp alynady, bir dollar úshin 418,78 teńgeden satylady. Nur-Sultanda – 417,34 jáne 418,47 teńge.
