Dollar baǵamy birden 6 teńgege arzandady- KASE

ASTANA. QazAqparat - Qazaqstan qor bırjasynda (KASE) seısenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 372,51 teńgeni qurady, dep habarlaıdy QazAqparat KASE-ge silteme jasap.

Juma kúngi saýda-sattyqpen salystyrǵanda, shetel valıýtasynyń baǵamy 6,64 teńgege tómendegen. Sessııa barysynda eń tómengi kýrs 1 dollarǵa - 372 teńge, al eń joǵarysy - 374,5 teńge bolǵan. Saýda kólemi 33,55 mln dollardy qurady.

Juma kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 379,15 teńgeni, kúndizgi sessııada 377,56 teńgeni, eki sessııanyń qorytyndysy boıynsha 378,12 teńgeni quraǵan bolatyn. Saýdanyń jalpy kólemi 132,3 mln dollar boldy.

Eske sala keteıik, ótken beısenbide teńgeniń AQSh dollaryna shaqqandaǵy ortasha baǵamy 1,82 teńgege - 383,46 teńgeden 381,64 teńgege deıin tómendegen, al juma kúni teńgege tómendep, 379,15 teńgeni qurady.