Dollar baǵamy saýda-sattyqta shamamen 3 teńgege tómendedi
ASTANA. KAZINFORM — Qazaqstan qor bırjasynda (KASE) shetel valıýtalary naryǵyndaǵy kúndizgi saýda-sattyq qorytyndylandy.
Saýda nátıjesi boıynsha dollardyń ortasha baǵamy 464,71 teńge bolyp, aldyńǵy kúnmen salystyrǵanda 2,56 teńge tómendedi. Al Ulttyq banktiń 10 shildege belgilegen resmı baǵamy — 467,41 teńge.
Kurs.kz málimetinshe, Astanadaǵy aıyrbastaý pýnktterinde dollardy orta eseppen 463,07 teńgeden satyp alady, al 470,04 teńgeden satýǵa shyǵarǵan. Eýro 530 teńgeden qabyldanyp, 540 teńgeden satylyp jatyr. Reseı rýbliniń baǵamy 5,57–5,89 teńge aralyǵynda.
Almatyda AQSh valıýtasy orta eseppen 465,86 teńgeden satyp alynsa, 468,40 teńgeden satylyp jatyr. Eýro baǵamy 531,62–537,36 teńge aralyǵynda, al rýbl 5,70–5,85 teńge kóleminde.
Shymkenttegi aıyrbastaý pýnktterinde dollardy orta eseppen 466,06 teńgeden qabyldap, 468,28 teńgeden satýǵa qoıǵan. Eýro baǵamy 514,52–538,19 teńge aralyǵynda, al rýbl 5,74–5,82 teńge shamasynda.
Eske salaıyq, 9 shildedegi kúndizgi saýda qorytyndysy boıynsha dollardyń ortasha saralanǵan baǵamy 467,41 teńge bolyp, bir kúnde 0,86 teńgege tómendegen edi.
