Dollar baǵamy óse me - Ulttyq bank tóraǵasy jaýap berdi
ASTANA. KAZINFORM – Elordada ótken tsıfrlyq aktıvter ındýstrııasyn damytý máselelerine arnalǵan baspasóz máslıhatynda Ulttyq bank tóraǵasy Tımýr Súleımenov dollar baǵamyna qatysty boljamyn aıtty.
Onyń sózinshe, sońǵy birneshe aıda teńge Ulttyq banktiń aralasýynsyz nyǵaıyp keledi. Buǵan eldegi makroekonomıkalyq jaǵdaıdyń turaqtylyǵy áser etip otyr.
– Dollardyń aldaǵy baǵamyna kelsek, oǵan alańdaýǵa negiz joq. Ekonomıkadaǵy negizgi kórsetkishter turaqty. Import kólemi de burynǵy deńgeıde saqtalyp otyr. Sondyqtan shetel valıýtasyna suranys kúrt ósedi dep otyrǵan joqpyz. Osyny eskersek, dollar baǵamy qatty ózgermeýi tıis. Árıne, maýsymdyq aýytqýlar men basqa da faktorlar bolady. Biraq baǵamdy naryqtyń ózi aıqyndaıdy, - dedi Tımýr Súleımenov.
Aıta keteıik, búgin dollar baǵamy saýda-sattyqta shamamen 3 teńgege tómendedi.
