Dollar baǵamy nelikten quldyrady – Súleımenov sebebin atady
ASTANA. KAZINFORM – Ulttyq bank tóraǵasy Tımýr Súleımenov dollar baǵamynyń quldyraý sebebin atady.
- Qazaqstannyń negizgi eksporttyq tarmaǵy – baǵasy ósip kele jatqan munaı jáne ol eksporttyq túsimniń 50 paıyzdan astamy. Kólem sol kúıinde qalǵanymen baǵa ósip jatyr, eksporttyq túsim kólemi de arta tústi, - dedi Ulttyq bank tóraǵasy Májilistiń jalpy otyrysynan keıingi brıfıngide.
Osy rette BAQ ókilderi odan dollar baǵamy quldyraýy aıasynda Ulttyq qor qanshalyq shyǵynǵa ushyraǵanyn jáne qarajatyn dollarmen saqtap otyrǵan otandastaryna qandaı keńes bererin suraǵan edi.
- Ulttyq qor joǵaltýy nemese joǵaltpaýy múmkin emes. Óıtkeni Ultyq qordyń valıýtalyq bóligine qaraımyz. Ol dollarmen saqtalǵan. Biz ınvestıtsııalyq keńes bere almaımyz, - dedi Tımýr Súleımenov.
Buǵan deıin 2025 jyldyń basynan beri Ulttyq qordyń aktıvteri eki ret aıtarlyqtaı azaıyp, qaıta tolysqanyn jazǵan edik.
