Dollar baǵamy qaıtadan 540 teńgege jetti

ALMATY. KAZINFORM — Qazaqstan qor bırjasynda (KASE) shetel valıýtalary naryǵyndaǵy saýda-sattyq qorytyndysy shyqty. 

Kúndizgi saýda qorytyndysy boıynsha dollardyń ortasha baǵamy 540,18 teńge bolyp, 0,55 teńge ósti. Ulttyq banktiń 3 qyrkúıekke belgilengen resmı baǵamy — 539,55 teńge.

Kurs.kz málimetinshe, Almatydaǵy aıyrbastaý pýnkterinde dollar orta eseppen 539,34 teńgeden satyp alynyp, 541,12 teńgeden satylyp jatyr. Eýro baǵasy — 626,05-630,47 teńge, rýbl — 6,60-6,71 teńge aralyǵynda.

Astanada dollar 537,97 teńgeden satyp alynyp, 543 teńgeden satylyp jatyr. Eýro — 624-634 teńge, al rýbl 6,63-6,74 teńge aralyǵynda saýdalanyp jatyr.

Shymkentte dollar orta eseppen 538,77 teńgeden satyp alynyp, 541,77 teńgeden satylyp jatyr. Eýro 625,14-630,05 teńge, rýbl 6,59-6,67 teńge kóleminde.

Aıta keteıik, 2 qyrkúıektegi kúndizgi saýdada dollardyń ortasha baǵamy 539,55 teńge bolyp, 0,95 teńge ósken edi.