Dollar baǵamy bırjada birden 9 teńge qymbattady
ASTANA. KAZINFORM — Qazaqstan qor bırjasynda (KASE) shetel valıýtalary naryǵyndaǵy kúndizgi saýda-sattyq qorytyndylandy.
13 shildedegi saýda qorytyndysy boıynsha dollardyń ortasha baǵamy 477,11 teńge bolyp, 8,94 teńge ósti.
Sonymen qatar Qazaqstan Ulttyq bankiniń 13 shildege belgilegen resmı baǵamy 464,71 teńge deńgeıinde.
Astanada dollardy orta eseppen 471,04 teńgeden satyp alyp, 478,04 teńgeden satyp jatyr. Eýronyń satyp alý baǵamy — 536,03 teńge, satý baǵamy — 546,03 teńge, rýbl 5,80-6,10 teńge aralyǵynda.
Almatyda dollardy 471,77 teńgeden satyp alyp, 474,44 teńgeden satyp jatyr. Eýro baǵamy 540,80-546,22 teńge, rýbl 5,80-5,96 teńge aralyǵynda.
Shymkentte dollardy orta eseppen 473,64 teńgeden satyp alyp, 475,88 teńgeden satyp jatyr. Eýro 540,09-546,36 teńge, al rýbl 5,81-5,88 teńge aralyǵynda.
Eske salaıyq, buǵan deıin dollar baǵamy saýda-sattyqta shamamen 3 teńgege tómendegenin jazǵanbyz.
