Dollar baǵamy 50 túrik lırasynan asty
ASTANA. KAZINFORM — Túrkııada dollar baǵamy 50 lıradan asyp, jańa rekord ornatty.
Túrkııa valıýta naryǵy jańa aptany shetel valıýtalarynyń ósýimen bastaǵan. AQSh dollarynyń baǵamy tarıhta alǵash ret 50 lıraǵa jetip, jańa rekord ornatyp otyr.
Eýronyń baǵamy ósken. Buryn ol 55,91 lıra bolsa, qazir 56,16 lıraǵa deıin kóterildi.
Túrkııanyń Ekonomim basylymynyń habarlaýynsha, túrik valıýtasynyń álsireýine álemdik naryq faktorlary men lıraǵa qysymnyń jalǵasýy sebep bolyp otyr.
Investorlar AQSh-taǵy ekonomıkalyq jáne saıası jaǵdaıǵa kóbirek nazar aýdaryp jatqany aıtylyp júr. Atap aıtqanda, álemdik naryqtar Ókilder palatasy men Senattaǵy bılik tepe-teńdigin anyqtaıtyn aralyq saılaý nátıjelerin kútip baǵady. Saılaý Tramp ákimshiliginiń ekonomıkalyq kún tártibine jáne álemdik qarjy naryqtaryndaǵy bolashaq kóńil kúıge áser etýi múmkin.
Taǵy bir mańyzdy faktor juma kúni AQSh eńbek naryǵyna, onyń ishinde jumyssyzdyq deńgeıi men aýyl sharýashylyǵyna jatpaıtyn jańa jumys oryndarynyń ashylýyna qatysty jańa derekterdiń jarııalanýy bolyp otyr. Aldyńǵy derekterge qaraǵanda, AQSh-taǵy jumyssyzdyq 4,2%, al jumyspen qamtýdyń ósýi 29 myń jańa jumys ornyna jetken.
Bul jańa statıstıka halyqaralyq valıýta naryqtarynda qosymsha qubylmalylyq týdyrady jáne negizgi valıýta juptarynyń kórsetkishterine áser etedi.
Eske sala keteıik, byltyr jazda Túrik lırasy óz qunynyń 97%-yn joǵaltqan edi.
