Dollar 327 teńgege deıin qymbattady

ASTANA. QazAqparat - Qazaqstan qor bırjasyndaǵy (KASE) tańerteńgi sessııanyń nátıjesi boıynsha, dollar 327,41 teńgege deıin qymbattady, dep habarlaıdy QazAqparat.

Bırjanyń baspasóz qyzmetiniń málimetinshe, saýda-sattyqqa KASE valıýta naryǵynyń 23 múshesi qatysty. Eseptesýi T+0 teńgemen AQSh dollarynyń ortasha saralanǵan baǵamy bir dollarǵa 327,41 (+1,13 teńge) teńgeni, al saýda-sattyq kólemi - 115 300 myń USD (-45 500 myń USD) qurady.

Eseptesýi T+1 teńgemen AQSh dollary boıynsha mámileler jasalǵan joq. Sessııa jabylar sátte baǵa belgileýler tirkelgen joq.

kurs.kz-tiń jazýynsha, Astananyń valıýta aıyrbastaý pýnktterinde saǵat 11.50-degi jaǵdaı boıynsha, satýdyń eń joǵary baǵamy 330 teńgeni qurady. Satý-satyp alýdyń ortashaǵa baǵamy - 327,40/328,50. QR Ulttyq bankiniń 22 maýsymǵa belgilegen teńgeniń dollarǵa shaqqandaǵy resmı baǵamy - 326,28 teńge.

Buǵan deıin habarlanǵandaı, Brent markaly munaı fıýchersiniń 2017 jyldyń tamyzynda jetkizilýmen Londondaǵy ICE bırjasynda 2,54 paıyzǵa qulap, barreli úshin 44,85 dollar boldy. Sońǵy ret munaı baǵasynyń barreli úshin 45 dollardan tómen bolǵany - 2016 jyldyń 15 qarashasy.