«Dolfın» taıfýny Qytaıǵa jetti: júzdegen myń adam evakýatsııalandy
ASTANA. KAZINFORM – Bıylǵy 13-shi «Dolfın» taıfýny Qytaıdyń shyǵysyndaǵy Chjetszıan provıntsııasynyń jaǵalaýyna eki ret soqqy berdi. Tabıǵı apatqa baılanysty júzdegen myń adam qaýipsiz jerge kóshirilip, myńnan astam áýe reısi toqtatyldy, dep habarlaıdy Sınhýa.
Qytaıdyń Ulttyq meteorologııalyq ortalyǵynyń málimetinshe, taıfýn alǵash ret jeksenbi kúni jergilikti ýaqyt boıynsha shamamen 17:30-da Chjetszıan provıntsııasynyń Taıchjoý qalalyq okrýgine qarasty ıÝıhýan qalasynyń jaǵalaýyna jetti.
Sol sátte taıfýn epıtsentrine jaqyn mańdaǵy jeldiń eń joǵary jyldamdyǵy sekýndyna 42 metrge jetip, 14 ball boldy. Osyǵan baılanysty «Dolfın» kúshti taıfýn sanatyna jatqyzyldy.
Shamamen bir saǵattan keıin, 18:40-ta taıfýn Chjetszıan jaǵalaýyna ekinshi ret shyqty. Bul joly ol Venchjoý qalalyq okrýgine qarasty ıÝetsın qalasynyń jaǵalaýyna soqqy berdi. Taıfýn ortalyǵyna jaqyn mańdaǵy jeldiń jyldamdyǵy sekýndyna 38 metrge jetip, 13 ball boldy.
Tabıǵı apattyń jaqyndaýyna baılanysty Chjetszıan bıligi halyqty aldyn ala evakýatsııalaýǵa kirisken. Taıchjoý qalasynda kóshkin qaýpine baılanysty shamamen 390 myń adam qaýipsiz jerge shyǵaryldy. Provıntsııada parom jáne krýız qatynasyn qosa alǵanda, teńizdegi qyzmet ýaqytsha toqtatyldy.
Shanhaıda da qaýipti aımaqtardan shamamen 30 myń adam evakýatsııalandy.
Taıfýn áýe qatynasyna da aıtarlyqtaı áser etti. Chjetszıan provıntsııasynyń ákimshilik ortalyǵy Hanchjoýdaǵy Sıaoshan halyqaralyq áýejaıynda 9 tamyzǵa josparlanǵan 388 reıs toqtatyldy.
Jergilikti BAQ málimetinshe, Shanhaıdaǵy Hýntsıao jáne Pýdýn áýejaılarynda josparlanǵan reısterdiń shamamen 60%-y, ıaǵnı 1300-den astam áýe reısi oryndalmaı qaldy.
«Dolfın» qatty jel men nóser jaýyn ákelip, sý tasqyny men kóshkin qaýpin kúsheıtti. Qytaıdyń Ulttyq meteorologııalyq ortalyǵy tabıǵı apat áser etetin aýdandardyń jergilikti bıligin asa kúshti nóserge baılanysty qorǵanys sharalaryn kúsheıtýge shaqyrdy.
Aıta keteıik, buǵan deıin Qytaı «Dolfın» taıfýnyna baılanysty alty óńirde qaýip deńgeıin kótergenin habarladyq.
