Dolce-Pharm kompanııasy ujymynyń 87%-y ekpe aldy

ALMATY. QazAqparat - Dolce-Pharm brendimen Dolce farmatsevtıkalyq óndiristik kesheni qyzmetkerleriniń 87%-y koronaıvırýsqa qarsy vaktsınatsııalandy, dep habarlaıdy QazAqparat.

Farmatsevtıkalyq kompanııanyń qyzmetkerleri alǵashqy vaktsınany sáýir aıynda ala bastady. Búgingi tańda qyzmetkerlerdiń 87% -y egildi. Kompanııa basshylyǵy vaktsınatsııa barlyq qyzmetkerler úshin óte mańyzdy ekenin atap ótti.

«Vaktsınatsııa - bul aýrýdyń aldyn alýdyń jáne adam ómirin qutqarýdyń qaýipsiz jáne tıimdi ádisi, ásirese qazirgi pandemııa kezinde. Eger biz vaktsınatsııalanǵan bolsaq, biz ózimizdi ǵana emes, aınalamyzdaǵy adamdardy da qorǵaımyz, bul bizdiń kompanııanyń maqsaty», - dedi Bas dırektor Sáýle Makısheva

Avtomatıka ýchaskesiniń bastyǵy Elena Fomıcheva kompanııa qyzmetkerleri arasynda alǵashqylardyń biri bolyp ekpe aldy.

«Meniń kompanııada jumys istep kele jatqanyma 5 jyl boldy. Vaktsına alam dep esh kúmánsiz birden sheshim qabyldadym, sebebi, meniń ómirim men densaýlyǵymdy saqtaý úshin ol qanshalyqty mańyzdy ekenin túsinemin», - dedi ol.

Búgingi tańda kompanııada 300-den astam qyzmetker jumys isteıdi. Ónimniń 200-den astam túri shyǵarylyp, Reseı, Qyrǵyzstan, Ózbekstan, Moldova elderine jetkiziledi.

Avtory: Dýman Arǵyngeldi