Dolbaı ormanshylyǵynda shyqqan órtti sóndirýge tikushaq tartyldy
ASTANA.KAZINFORM — 22 maýsymda «Baıanaýyl» memlekettik ulttyq tabıǵı parkiniń Dolbaı ormanshylyǵy aýmaǵynda memlekettik orman qory jerine ótý qaýpi bar dala órti tirkeldi.
Órt týraly habar túsken sátten bastap oqıǵa ornyna «Baıanaýyl» MUTP jáne TJD kúshteri men quraldary jedel túrde jiberildi.
— Jaǵdaıdy baqylaý jáne órtti sóndirý jumystaryn úılestirý maqsatynda oqıǵa ornynda bortynda avıatsııalyq órtke qarsy qyzmeti bar «Qazavıaormanqorǵaý» RMQK-nyń ES-130 tikushaǵy jumys istep jatyr, — delingen habarlamada.
Qazirgi ýaqytta órtti sóndirý jumystaryna ulttyq park qyzmetkerleri men órtke qarsy qyzmet mamandary jumyldyrylǵan. Órttiń memlekettik orman qory aýmaǵyna taralýyna jol bermeý úshin barlyq qajetti sharalar qabyldanyp jatyr.
Aıta ketelik bir aptada «Semeı ormanynda» 15 órt oshaǵy anyqtalyp, der kezinde joıyldy.
