Doký Omarov Máskeý metrosyndaǵy jarylystar úshin jaýapkershilikti moınyna aldy
ASTANA. Sáýirdiń 1-i. QazAqparat - Sheshen sodyrlarynyń jetekshisi Doký Omarov beınemálimdeme jasap, Máskeý metrosyndaǵy jarylystardy uıymdastyrǵanyn jarııa etti.
Bul týraly ekstremıstik saıttardyń biri habarlady.
Lańkes, naýryzdyń 29-y kúni Máskeý metrosynda oryn alǵan shabýyldyń óziniń jeke buıryǵy boıynsha uıymdastyrylǵanyn málim etti. Saıt redaktsııasynyń aıtýynsha, beınematerıal da naýryzdyń 29-ynda jazylǵan.
D.Omarov, lańkestik áreketterdiń federaldy kúshter aqpannyń 11-inde júrgizgen arnaıy operaatsııasyna jaýap ekenin málim etken. Sol joly Ingýshetııada 18 sodyrdyń kózi joıylǵan bolatyn, biraq ol oqıǵanyń saldarynan 5 beıbit turǵyn da zardap shekken edi. Olardyń tórteýi keıinnen aýrýhanada kóz jumdy. D.Omarov, Reseı aýmaqtaryna shabýyldardyń jalǵasa beretinin málim etti.
Al keshe, sársenbi kúni tańerteń Daǵystannyń Kızlıar qalasynda bolǵan lańkestik áreket úshin jaýapkershilikti ázirge eshkim moınyna alǵan joq. Esterińizge sala keteıik, naýryzdyń 31-i kúni tańerteń Kızlıarda oryn alǵan eki jarylystyń saldarynan 12 adam qaza boldy, olardyń 10-y - mılıtsııa qyzmetkerleri, bireýi - tergeýshi jáne taǵy bireýi - beıbit turǵyn. Sondaı-aq 23 adam túrli jaraqatpen aýrýhanaǵa tústi.
