Doktorantýradan keıingi zertteýlerge arnalǵan granttar bólinedi – Ashat Aımaǵambetov
«Memleket basshysy Qasym-Jomart Kemeluly Toqaevtyń qoldaýymen 2020 jyly BǴM-ge qarasty ǵylymı uıymdardyń materıaldyq-tehnıkalyq bazasyn nyǵaıtý jáne jumysyn jandandyrýǵa baǵyttalǵan jańa bıýdjettik baǵdarlama ashylyp, 2,8 mlrd teńge bólindi. Nátıjesinde 23 ǵylymı-zertteý ınstıtýtyna jabdyqtar satyp alyndy. Bıyl osy maqsatta 3,5 mlrd teńge bólindi. Sondyqtan Instıtýttardy modernızatsııalaý boıynsha jumys ári qaraı jalǵasady», - dep jazdy mınıstr Facebook paraqshasynda.
Onyń atap ótýinshe, ulttyq ǵylymı keńes qyzmetiniń ashyqtyǵyn arttyrýǵa baǵyttalǵan oń ózgerister engizildi. Endi olardyń jıyndary onlaın, al daýys berý protsesi ashyq formatqa aýystyryldy. Ǵylymı keńes quramy da ǵylymı qyzmetkerlerdiń jumysyna sáıkes jańǵyrdy.
«Bıyldan bastap 500 ǵalymdy álemniń jetekshi ǵylymı ortalyqtaryna taǵylymdamalardan ótýge jiberý jáne «Jas ǵalym« jobasy aıasynda 1 myń grant bólý boıynsha jumystar qolǵa alynady. Odan bólek, elimizdegi 20 ýnıversıtet «Akademııalyq artyqshylyq ortalyqtary» jobasy aıasynda qarjylandyrýǵa ıe bolady. ıAǵnı, bul – jıyrma oqý orny materıaldyq-tehnıkalyq bazasyn aıtarlyqtaı jańartýǵa múmkindik alady degen sóz», - dedi ol.
Mınıstr ǵylymdaǵy barlyq protsesterdi odan ári tsıfrlandyrý boıynsha jumys atqarylýy kerektigin basa aıtady.
«Keıbir ǵylymı jobalardy iske asyrý úshin uzaq merzim talap etiledi. Bul rette mundaı ǵylymı jobalarǵa grant berý merzimderin 5 jylǵa deıin uzartý máselesi de qolǵa alynady. Biz el úshin strategııalyq baǵyttar boıynsha irgeli zertteýlermen aınalysatyn ınstıtýttardy tikeleı qarjylandyrýdy mańyzdy dep sanaımyz. Mınıstrlik bazalyq qarjylandyrý aıasynda aqy alatyn qyzmetkerlerdiń tizbesin keńeıtý boıynsha jumys júrgizip jatyr», - dedi ol.
Ashat Aımaǵambetov jas ǵalymdarǵa qoldaý kórsetý mańyzdyekendigin de atap ótedi.
«Sondyqtan zańǵa engizilgen ózgertýler arqasynda jas ǵalymdardy qoldaý úshin doktorantýradan keıingi zertteýlerge baǵyttalǵan arnaýly granttar bólý júzege asyrylatyn bolady. Budan basqa, ǴTQN kommertsııalandyrý jobalaryn granttyq qarjylandyrý praktıkasy da jalǵasady. Ǵalymdarymyzdyń jobalary jetistikterge jetý úshin – olarǵa qolaıly jaǵdaı jasaý asa mańyzdy. Sondyqtan saladaǵy qaǵazbastylyqty barynsha azaıtyp, jastardy ǵylym salasyna tartyp jatyrmyz», - dedi mınıstr.
