Doktoranttardyń shákirtaqysy taǵy eki ese ósedi
ASTANA. KAZINFORM — Jas ǵalymdar óndiristen shyqpaı-aq PhD dárejesin alýǵa múmkindik aldy. Bul týraly elordada «Bolashaq beınesi: nátıjeden — jańa strategııaǵa» atty forýmda QR Ǵylym jáne joǵary bilim mınıstri Saıasat Nurbek málim etti.
— Buǵan deıin shákirtaqy mólsheri eki ese ósti, ony taǵy da ósirýdi bastaımyz. Qazir doktoranttardyń shákirtaqysy — aıyna 252 myń teńge. Ony taǵy eki ese ósirýge kelesi úsh-tórt jylǵa baǵyt aldyq, — dedi Saıasat Nurbek.
Sonymen qatar ol elde «Indýstrııalyq PhD» atty baǵdarlama bastalǵanyn eske saldy. Endi jas ǵalymdar óndiristen shyqpaı-aq úsh jyldyń ishinde jeńildetilgen formatpen, modelmen PhD dárejesin alýǵa múmkindik aldy.
Buǵan deıin Ǵylym jáne joǵary bilim mınıstrligi stýdentterdiń shákirtaqysyn jyl saıyn kóterý múmkindigin pysyqtaıtynyn jazǵan edik.
