Doktorant dıssertatsııa jazbaı-aq ǵylymı dárejesin qorǵaı alady
Bilim jáne ǵylym mınıstrliginiń apparat májilisinde Bilim jáne ǵylym salasyndaǵy baqylaý komıtetiniń tóraıymy Gúlzat Kóbenova osyndaı jańashyldyqty málim etti.
«2020 jyldyń mamyr aıynan beri doktoranttan talap etiletin ǵylymı maqalalar sany 7-den 4-ke qysqartylǵan bolatyn. Endi ǵylymı maqalasy asa joǵary bıblıometrıkalyq kórsetkishterge ıe bolsa, doktorant 1-2 maqalany negizge alyp-aq, qorǵaýǵa shyǵa alady. Bıyl jańa buıryq kúshine engennen bastap, doktorant dıssertatsııa qorǵaýdyń formasyn ózi tańdaı alady. Burynǵydaı dıssertatsııalyq eńbek jazyp qorǵaýyna bolady nemese úzdik jazylǵan maqalasyn dıssertatsııalyq eńbek retinde paıdalana alady. Biraq mundaı maqalanyń bolýy doktorantty ǵylymı dárejeni qorǵaýdan bosatpaıdy», - dedi Gúlzat Kóbenova.
Onyń sózinshe, komıtet ǵylymı eńbekter jaııalaýǵa haqyly basylymdardyń jańa tizbesin qalyptastyryp jatyr. Byltyr tizimde 177 jýrnal bolsa, bıyl 40 basylym tirkelipti. Taǵy 15 basylym qaralyp jatyr. Al 16 jýrnal boıynsha usynym haty keri qaıtarylǵan. Onyń sebebin komıtet basshysy jýrnaldardyń tehnıkalyq talaptarǵa saı kelmeýinen, ǵylymı eńbekti onlaın jarııalaýdyń múmkindigi joqtyǵynan jáne ǵylymı eńbek jaııalaý ádebin saqtamaýdan dep túsindirdi.
Buǵan deıin habarlaǵanymyzdaı, Gúlzat Kóbenova PhD dárejesin qorǵaý kandıdattyq dıssertatsııa deńgeıinde qalyp qoıǵanyn málim etken bolatyn.
Atalmysh sharada mınıstr Ashat Aımaǵambetov ǵylymı dáreje qorǵaýshylardan dıssertatsııanyń qazaq tilindegi nusqasy talap etiletinin aıtqan edi.
