«Doing Business» reıtıngi: Úzdik otyzǵa Qazaqstan qalaı ilikti
2018 jylǵy 31 qazandaǵy Dúnıejúzilik banktiń «Doing Business 2019» reıtıngi nátıjelerine sáıkes óziniń reıtıngin ótken jylmen salystyrǵanda 8 pozıtsııaǵa kótere otyryp, Qazaqstan 28 orynǵa ornalasty. Reıtıngte Qazaqstan Ispanııa (30 oryn), Frantsııa (32), Polsha (33), Portýgalııa (34), Shveıtsarııa (38), Japonııa (39), Túrkııa (43) sııaqty elderdi basyp ozdy.Eýrazııalyq ekonomıkalyq odaq elderiniń arasynda Qazaqstankóshbasshy atandy, reıtıng boıynsha Rossııa (31), Belarýs (37), Armenııa (41) men Qyrǵyzstan (70) tómenirek ornalasty.
Doing Business 2019 reıtınginiń kósh basynda Jańa Zelandııa tur. Myqtylar ondyǵyna Sıngapýr, Danııa, Ońtústik Koreıa, Gonkong, Grýzııa, Norvegııa, AQSh, Ulybrıtanııa, Makedonııa kiripti. Sonymen qatar, Dúnıejúzilik bank Qazaqstandy 2017-2018 jyldary úshten asa bıznesti júrgizý jeńildigi ındıkatorlary aıasynda retteýshilik reformalar júrgizgen elder qatarynda atap ótti.
Kórsetkishter bólinisinde Qazaqstannyń pozıtsııalary mynadaı:
|
Kórsetkishter |
DB 2018 |
DB 2019 |
Ózgeris |
|
Kásiporyn ashý |
41 |
36 |
+5 |
|
Qurylysqa ruqsat alý |
52 |
35 |
+17 |
|
Elektrmen jabdyqtaý júıesine qosylý |
70 |
76 |
-6 |
|
Menshikti tirkeý |
17 |
18 |
-1 |
|
Nesıe alý |
77 |
60 |
+17 |
|
Mınorıtarlyq ınvestorlardy qorǵaý |
1 |
1 |
|
|
Salyq salý |
50 |
56 |
-6 |
|
Halyqaralyq saýda |
123 |
102 |
+21 |
|
Sharttardyń oryndalýyn qamtamasyz etý |
6 |
4 |
+2 |
|
Tólem qabiletsizdikti sheshý |
39 |
37 |
+2 |
Jalpy Qazaqstan 10 bazalyq ındıkatorlar boıynsha baǵalandy. 10 bazalyq ındıkatordyń 6-y boıynsha Qazaqstan pozıtsııasyn jaqsartqan. Bula rette «Mınorıtarlyq ınvestorlardy qorǵaý» ındıkatory boıynsha Qazaqstan ekinshi márte qatarynan álemdik kóshbasshy bolyp tanyldy. Bunymen qosa, Qazaqstan «Halyqaralyq saýda» (+21), «Nesıe alý» (+17), «Qurylysqa ruqsat alý» (+17), «Kásiporyn ashý» (+5), «Sharttardyń oryndalýyn qamtamasyz etý» (+2) jáne «Tólembqabiletsizdikti sheshý» (+2) ındıkatorlarynan aıtarlyqtaı ósim kórsetti.
Jalpy alǵanda, Dúnıejúzilik Bank Úkimettiń kelesi baǵyttaǵy reformalaryn atap ótti:
«Kásiporyn ashý» (1 reforma)
Bul rette elimizdiń qosylǵan qun salyǵyn tirkeýge qajetti ýaqytty qysqarta otyryp, bıznesti júrgizý sharttaryn jeńildetkenine nazar aýdarylǵan.
«Halyqaralyq saýda» (2 reforma)
Qazaqstan «IJ ASTANA-1» kedendik deklaratsııa elektrondy júıesin engizý arqyly jáne kedendik ákimshilik alymdardy qysqartý boıynsha halyqaralyq saýda júrgizýdi jeńildetken.
«Sharttardyń oryndalýyn qamtamasyz etý» (2 reforma)
Elimizde kommertsııalyq isterdegi barlyq deńgeıde usynylǵan sot sheshimderin kópshilikke qoljetimdi etip, jáne jergilikti kommertsııalyq sottardyń qyzmetiniń tıimdiligin baǵalaý týraly esepti jarııalap, sharttardyń oryndalýyn qamtamasyz etý ońaılaǵan. Sonymen qatar, «Salyq salý» (-6), «Elektrmen jabdyqtaý júıesine qosylý» (-6) jáne «Menshikti tirkeý» (-1) ındıkatorlary boıynsha pozıtsııalardyń tómendeýi baıqalady.
«Menshikti tirkeý»
Qazaqstan Doing Business 2018-ben salystyrǵanda aldyńǵy shektegilermen qashyqtyǵyn 0,01 pýnktke ulǵaıtqan, bul rette basqa parametrler (rásimderdiń sany, ýaqyty, tirkeý quny) ózgeriske ushyraǵan joq.
«Salyq salý»
Qazaqstan Doing Business 2018-ben salystyrǵanda aldyńǵy shektegilermen qashyqtyǵyn 0,19 pýnktke ulǵaıtqan. Sonymen qatar, Dúnıejúzilik bank salyq tóleýge ketetin ýaqyttyń, tólemderdiń sanynyń artýyn atap ótti.
«Elektrmen jabdyqtaý júıesine qosylý»
Qazaqstan Doing Business 2018 salystyrǵanda aldyńǵy shektegilermen qashyqtyǵyn 0,11 pýnktke qysqartty. Biraq Dúnıejúzilik elektrmen jabdyqtaý júıesine qosylý qunynyń 4,3 paıyzdyq pýnktke tómendegenin atap ótti.
Aıta keterligi, 2017-2018 jyldar aralyǵynda Úkimet iskerlik ahýaldy jaqsartý boıynsha Qazaqstanda buryn-sońdy bolmaǵan túbegeıli reformalardy júrgizgen bolatyn. Úkimet qoldanystaǵy zańnamany reformalaý, ruqsattama júıesin jetildirý, bıznesti ashý rásimderin jeńildetý, memlekettik baqylaý-qadaǵalaý qyzmetin ońtaılandyrý, eldegi bıznes ahýaldy jáne halyqaralyq reıtıngterdegi Qazaqstannyń pozıtsııalaryn jaqsartý boıynsha júıeli jumys atqaryp, nátıjesinde bıznes júrgizý jeńildigi boıynsha 30 eldiń qataryna kirdi.
Árıne, bıznesti damytý úshin naqty jaǵdaıdy is júzinde jaqsartý baǵyttalǵan jumystar Úkimettiń qabyldaǵan sharalarymen shektelmeıdi. Memleket basshysynyń tapsyrmalaryna bul ister sáıkes júıeli negizde jalǵastyrylatyn bolady. Ondaı naqty mindetter elbasynyń Joldaýlarynda da kórinis taýyp otyr.
