Dohadan keıin Dýbaı týrnıri: Pýtıntseva Noskovamen ekinshi ret kezdesedi

ASTANA. KAZINFORM — Búgin Dýbaı (BAÁ) WTA 1 000 týrnıri bastalady. Júlde qory 3,6 mln AQSh dollarynan asatyn atalmysh iri jarys 16-22 aqpan aralyǵynda ótedi. 

Qazaqstannyń ekinshi, álemniń 20-raketkasy ıÝlııa Pýtıntseva alǵashqy aınalymda dúnıejúzilik reıtıngide 33-orynda turǵan 20 jastaǵy chehııalyq Lında Noskovamen oınaıdy.

Bir qyzyǵy, 11 aqpan kúni qazaqstandyq tennısshi Dohadaǵy dál osyndaı dodanyń ekinshi aınalymynda Noskovadan 2:6, 3:6 esebimen jeńilip qalǵan bolatyn.

Sonymen qatar Pýtıntseva chehııalyq sportshymen birge juptyq synda óner kórsetedi. Olardyń bastapqy qarsylastary – qytaılyqtar Sınıýı Van – Chjen Saısaı.

Qazaqstannyń birinshi, álemniń 7-raketkasy Elena Rybakına Dýbaı jarysyn ekinshi aınalymnan bastaıdy. Ol álemniń 37-raketkasy, bıylǵy Doha týrnıriniń fınalısi, 2017 jylǵy Rolan Garros jarysynyń chempıony, latvııalyq Elena Ostapenko nemese reıtıngide 63-satyda turǵan Moıýka Ýchıjımanyń qaı jeńgenimen sheberlik talasady. Japonııalyq tennısshini Dohada ıÝ.Pýtıntseva jeńgen bolatyn.

Ótken jyly Dýbaıda E.Rybakına shırek fınalǵa deıin jetse, ıÝ.Pýtıntseva qatyspaǵan edi.

Eske sala keteıik, budan buryn Beıbit Juqaevtyń alǵash ret juptyq synda chellendjer týrnıriniń chempıony atanǵanyn jazǵan bolatynbyz. Sondaı-aq qazaqstandyq tennısshiler qatysqan Doha týrnıriniń jeńimpazy anyqtaldy.