Dohadaǵy kezdesý tabysty ótýine kúmán kóp bolǵandyqtan munaı baǵasy arzandap jatyr

ASTANA. QazAqparat - Seısenbi kúni munaıdyń álemdik baǵalary ortasha deńgeıde tómendep jatyr, sebebi naryq qatysýshylary munaı óndirýshi elderdiń bul shıkizatty óndirý kólemderin qatyrý máselesin talqylaý úshin aldaǵy kezdesýi onyń baǵasyna qoldaý kórsetetinine kúmándanyp otyr, delingen saýda málimetterinde. Bul týraly RIA Novostı habarlady.

Brent markaly soltústikteńizdik munaıdyń maýsym aıyndaǵy fıýchersteriniń baǵasy 0,35 paıyzǵa - bir barrel úshin 42,68 dollarǵa deıin tómendedi. WTI markaly munaıdyń mamyrdaǵy fıýchersteriniń baǵasy da 0,35 paıyzǵa - bir barrel úshin 40,22 dollarǵa deıin tómendegen.

OPEK-ke múshe jáne uıymǵa kirmeıtin elderdiń kezdesýi 17 sáýir kúni Katar astanasy Doha qalasynda ótedi.