Dohada Gaza máselesi boıynsha kelissózderdiń jańa kezeńi bastaldy

ASTANA. KAZINFORM – Izraıl men palestınalyq HAMAS qozǵalysy arasyndaǵy Gaza sektorynda atysty toqtatý rejımin engizý jónindegi kezekti janama kelissózder kezeńi Doha qalasynda bastaldy. Bul týraly Al Araby telearnasy málimdedi, dep habarlaıdy TASS.

France-Presse agenttiginiń derekkózine súıensek, Qatardyń deldaldyǵymen ótip jatqan keńesterde taraptar atysty toqtatý týraly kelisimdi iske asyrý tetikterin jáne Gazadaǵy ızraıldik tutqyndardy Izraıl túrmelerinde otyrǵan palestınalyqtarǵa aıyrbastaý máselesin talqylaýǵa basa nazar aýdaryp otyr.

Eske sala keteıik, Izraıl armııasy bıylǵy naýryzda qańtar aıynda ornatylǵan atysty toqtatý rejımin buzyp, palestınalyq anklavta áskerı áreketterdi qaıta bastady. Buǵan deıin Egıpet, Qatar jáne AQSh-tyń araǵaıyndyǵymen ótken birneshe kelissóz raýndtarynda taraptar jańa mámile sharttary boıynsha ortaq kelisimge kele almaǵan edi.

Aıta keteıik, Izraıl Gaza boıynsha jańa kelissózderge daıyn ekenin málimdedi.